ادينا بيتعلم ................وادينا بنتعلم

طول ما انت عايش اكيد حتتعلم
تتعلم من اهلك
من صحابك
من مدرسينك
المهم انك تتعلم عشان متغلطتش تانى

حياتنا
مليانه اسرار
حتى على اقرب الناس ليك
فعلا مش كل حاجه تتقال
فيه حاجات لازم تحتفظ بيها لنفسك
ومتقولهاش حتى لاقرب الناس ليك

لازم كل واحد فينا يقدر ظروف التانى
حتى لو التانى ده مش عايز يقولك على ظروفه
متزعلش بل بالعكس اقف جنبه
عشان انت مش عارف هو بيواجه ايه فى حياته؟

كل بيت له خصوصيات
مينفعش ابدا تخرج بره جدران البيت ده
حتبقى مصيبه وفضيحه لو خرجت

عارف لما تقدر ظروف غيرك
ماهو حيجى اليوم برضه اللى تكون مكانه
ومحتاج منه انه يقف جنبك
حتى لو بكلمه حلوه

عارف الكلمه الطيبه دى
ممكن تريحه اوى وتشيل هم من الهموم اللى شيلها

كتير منى بيستخبى ورا ضحكته
وهو جواه مليان مشاكل و هموم
بس مبيحكيش

مهما كنا بنقول احنا اخوات ومع بعض على طول
بس فيه حاجات لازم تكون مستخيبه
اسرار البيوت لو اتقالت تبقى تجريح لاهلك و ناسك

درس اتعلمته امبارح
و قولت لازم انزل بيه توبيك انهارده
عشان غيرى يتعلمه برضه

كلمه اخيره
قدر ظروف غيرك
و احترم حياته الشخصيه