Ahmed Hamdy Big Boss
عدد المساهمات : 236 نقاط : 646 تاريخ التسجيل : 06/08/2009 العمر : 31 الموقع : shababcool.coolbb.net
| موضوع: مهما ضاقت بيك.... اتأكد ان فى أمل السبت 08 أغسطس 2009, 2:26 pm | |
| عمركم حاسيتوا الاحساس ده
حاسه انى فى صحراء واسعه اوى مش شايفه فيها اى حاجه تدل ان فى حياه
مش شايفه غير لون الرمل والجبال فى كل مكان
ومفيش طرق كل حاجه شبه بعضها
ومفيش اختيار قدامى
كل الطرق ملهاش بدايه ومش عارفه فى نهايه ولا لا
بس اكيد كل حاجه لها نهايه
وقفت شويه يمكن الاقى حد يساعدى او حتى يشاولى على طريق
بس وقفت كتير
جى عليا الليل والظلام بدأ يغطى المكان كله
وملقيتش حد
وعشان مفيش قدامى اختيارات
قررت اعمل لنفسى اختيارات
ياما افضل واقفه فى مكانى مستنيه حد والله اعلم حد هيوصلى ولا لا
اوالغى اليأس ده من قدامى وادور انا وامشى لقدام ومقبلش باى هزيمه
اكيد الصحراء دى فيها حياه ؟؟؟
بس فين
طول ما انا واقفه فى مكانى عمرى ما هعرف
عشان كده همشى واكمل واكيد هوصل فى يوم من الايام
حتى لو جى عليا الليل اكيد هلاقى نجمه تنورلى طريقى
نجمه بتبرق فى سماء الامل
واكيد كل ما الدنيا تبقى ظلام اكتر
كل ما نور النجمه دى اللى موجوده فى سماء الامل هتنور اكتر
هتلمع اكتر بين نجوم التفائل
عايزه اقولكم مهما ضاقت بيكم الدنيا
اتاكدوا ان ربنا هيبعتلك شعاع امل يخليكم تقوموا وتكملوا
وكل ما تقع وتضيق اكتر كل ما هتعرف قيمه نقطه النور اللى هو الامل اللى هنشوفه منور قدامنا
عشان كده اوعوا تتخلوا عن الامل
اتمسكوا بيه لاخر لحظه
عيشوا بيه
فضفضه حبيت اكتبها
مع خالص تحيتى | |
|